Babasan Paribasa bahasa sunda jeung Hartina

• Legok tapak, genteng kadek Hartina loba luangna pangalaman jeung kanyahoan
• Kudu bisa ngeureut neundeun Hartina kudu bisa nyukupkeun rezeki atawa pangala anu saeutik
•  Heurin ku letah Hartina teu bisa nyaritakeun perkara kasalahan batur lantaran bisi aya mantakna kaditu kadieu 
•  Kumaha bule hideungna Hartina kumaha ngke bae buktina
•  Jati ka silih ku junti Hartina pribumi kaelehkeun ku urang deungeun deungen ( Urang asing )
•  Awak sampayeun Hartina make pakean kumaha oge pantes oge 
•  Asak jeujeuhan Hartina dipikiran heula mising anteb
•  Jadi kulit jadi daging Hartina jadi kabiasaan nu hese dipiceun
•  Aya bagja teu daulat Hartina arek meunang kauntungan atawa kabagjaan tapi henteu tulus
•  jogjog nereuy buah loa Hartina mihareup ka nu lain tanding
• Kuru cileuh kentel peujit Hartina ngurangan sare, ngurangan dahar ( tirakat ) lantaran aya nu dimaksud
• Indung hukum bapa dari gama Hartina papadon agama jeung negara
• Lambung kandungan laer aisan Hartina gede timbanganna, gede pengampuranna
• Kumaha gejebur caina geletuk batuna Hartina kumaha jadina bae teu jadi pikiran
• Kudu bisa pindah cai pindah tampian Hartina kudu bisa ngaluyukeun jeung lingkungan nu anyar dicicingan
• Kejot borosot Hartina gampang nyokot kaputusan teu dipikir heula
• Gede hulu Hartina sombong, adigung
• Panjang leungeun Hartina daek puak paok
• Pondok umur Hartina hirupna sakeudeung
• Bengkok tikoro Hartina Teu kabagean dahareun lantaran elat datang
• Pucuk awian Hartina tara puguh pamadegan (jangji), luak leok bae
• Leutik burih Hartina Euweuh kawani
• Murag hulu bitis Hartina  teu betah cicing diimah
• Someah hade kasemah Hartina bageur ka semah, boh dina jajamu atanapi dina kalakuanna
• Hade tata hade basa Hartina alus budi pekertina jeung boga sopan santun utamina dina laku lampah jeung bahasana